काठमाडौं । त्रिकोणात्मक टी-२० आई सिरिज अन्तर्गत नेपालले शुक्रबार नामिबियासँग प्रतिस्पर्धा गर्दैछ । खेल त्रिवि मैदान कीर्तिपुरमा बिहान साढे ११ बजेदेखि सुरु हुनेछ ।
मंगलबार भएको पहिलो खेलमा नेपाल नामिबियासँग २० रनले पराजित भएको थियो । यस्तै नेदरल्यान्ड्ससँग पनि नेपाल २ रनले पराजित भएको थियो ।
घरेलु मैदानमा यसअघिका दुई खेल हारेको नेपाललाई बाँकी दुवै खेल जित्नैपर्ने दबाब छ ।
यसअघिका दुवै खेलमा दोस्रो ब्याटिङ गरेको नेपालले लक्ष्य पूरा गर्न सकेको छैन । नामिबियासँग २०७ रनको लक्ष्य पछ्याएको नेपाल १८६ रन बनाउँदै अलआउट भएको थियो भने नेदरल्यान्ड्सले दिएको १८५ रनको लक्ष्य पछ्याउँदा १८३ रन बनाएर अलआउट भएको थियो ।
२०२४ को जुन १ देखि २९ तारिखसम्म अमेरिका र वेस्ट इन्डिजमा आयोजना हुने आईसीसी टी-२० विश्वकपको तयारीका क्रममा यो शृंखला खेल्न लागिएको नेपाल क्रिकेट संघ (क्यान) ले जनाएको छ । नेपालसँगै नामिबिया र नेदरल्यान्ड्स टी-२० विश्वकपमा छनोट भएका छन् ।
अबका बाँकी खेलहरूः
– नेपाल भर्सेज नेदरल्याण्डस, फागुन १९ गते शनिबार ।
– नामिबिया भर्सेज नेदरल्याण्डस, फागुन २० गते आइतबार ।
फाइनल, फागुन २२ गते मंगलबार ।
प्रतिक्रिया