काठमाडौं । कांग्रेससँगको गठबन्धन तोडेपछि प्रधानमन्त्री पुष्पकमल दाहाल प्रचण्डले मन्त्रीहरु नयाँ नियुक्त गर्ने तयारी गरेका छन् ।
एमाले र रास्वपासम्मिलित नयाँ सत्ता गठबन्धनको तर्फबाट सुरुमा तीन जना मन्त्रीले सपथ लिने बताइएको छ ।
माओवादीको तर्फबाट हितबहादुर तामाङ, एमालेको तर्फबाट पदम गिरी र रास्वपाको तर्फबाट डीपी अर्यालले सपथ लिने भएका हुन् ।
थप भागबण्डा टुंग्याउनका लागि नयाँ सत्ता गठबन्धनको बैठक बस्ने तयारी भइरहेको छ । प्रधानमन्त्री निवासमा सोमबार दिउँसो साढे २ बजे बस्ने नयाँ गठबन्धन बैठकमा मन्त्रालय भागबण्डासहित प्रदेशमा सत्ता समीकरणलगायतका विषयमा लिखित सहमति गर्ने तयारी छ ।
प्रतिक्रिया