उपेन्द्र यादवको नेतृत्वमा जसपा सरकारमा सहभागी हुने

काठमाडौं । अन्ततः जनता समाजवादी पार्टी, नेपालले सरकारमा सहभागी हुने निर्णय गरेको छ ।

बिहीबार बिहान बसेको जसपाको कार्यकारिणी समिति बैठकले अध्यक्ष उपेन्द्र यादवको नेतृत्वमा नै सरकारमा जाने निर्णय गरेको हो ।

यादव उपप्रधानमन्त्री तथा स्वास्थ्य तथा जनसंख्यामन्त्री बन्ने पार्टीका नेता एवं संसदीय दलका प्रमुख सचेतक प्रदीप यादवले जानकारी दिए ।

बैठकले प्रदीप यादव र नवलकिशोर साहमध्ये एक जनालाई मन्त्री र सांसद सुशीला श्रेष्ठलाई राज्यमन्त्रीमा पठाउने निर्णय गरेको छ ।