तिलोत्तमा । मधवलिया व्याडमिन्टन क्लब तिलोत्तमा १६ बिहुलीले रुपन्देही जिल्लास्तरीय भेट्रान व्याडमिन्टन प्रतियोगिता सम्पन्न गरेको छ ।
४५ बर्ष भन्दा माथी र ६० बर्ष भन्दा माथिको उमेर समुहमा भएको युगल पुरुष व्याडमिन्टन प्रतियोगितामा ३५ टिमको सहभागीता रहको थियो । जसमा ४५ बर्ष भन्दा माथी भएको प्रतियोगितामा बुटवल व्याडमिन्टन क्लबका बिरेन्द्र बिस्ट र धर्म थापाको जोडि प्रथम, मधवलिया व्याडमिन्टन क्लबका होम गुरुङ (लाहुरे) र चेत बलालको जोडि दोस्रो, फिट एण्ड फाइनका सुरज गुरुङ र वसन्त थापा तथा तामनगर व्याडमिन्टन क्लबका प्रकाश बन र सुबास कर्मचार्य तेस्रो भएका छन ।
त्यसै गरि ६० बर्षभन्दा माथिको उमेर समुहमा बुटवल व्याडमिन्टन क्लबका पिताम्बर ज्ञवाली र इन्द्रलालको जोडि प्रथम, बुटवल व्याडमिन्टन क्लबकै लिला अर्याल र रिसि भन्डारी दोस्रो, मधवलिया व्याडमिन्टन क्लबका क्या.तुलबहादुर राना र सुबेदार तारा बहादुर पुन तथा भैरहवा व्याडमिन्टन क्लबका महेन्द्र कुमार र गणेश छेत्रीको जोडी तेस्रो भएका छन ।
प्रतियोगितामा साना तथा घरेलु उद्योग महासघंका केन्द्रीय सदस्य बसन्त रोक्काले प्रमुख अतिथिको आसनबाट शुभकामना मन्तव्य दिदै स्थानीय स्तरमा आयोजना गरिने खेलकुद कार्यक्रमले मानिसहरुमा स्वास्थसँगै सामाजिक दायित्व निर्वाहमा असल भुमिका खेल्ने बताए । प्रतियोगितामा क्लबका अध्यक्ष कशव चौधरीको अध्यक्षता, खेल संयोजक क्या. तुलबहादुर रानाको स्वागत र सुन्दर गुरुङले कार्यक्रम संचालन गरेका थिए ।
प्रतिक्रिया