५ जेष्ठ २०८१, शनिबार | May 19, 2024

एसइईमा अनलाईन चिट चोराउने विद्यालयका प्रिन्सिपल सहित ५ जना पक्राउ



नेपालगन्ज । सूचना प्रबिधिको विकाससँगै परीक्षामा चिट चोर्ने कार्यमा पनि सूचना प्रबिधिको प्रयोग हुन थालेको छ । जारी मंगलबारको एसइई परीक्षामा बाँकेमा सूचना प्रबिधीको प्रयोग गरि चिट चोराउने गिरोहका ५ जना प्रशासनको फन्दामा परेका छन् ।

परीक्षा केन्द्रबाट प्रश्नपत्र अनलाईनको माध्यमबाट बाहिर पठाउने र बाहिरबाट सामाजिक सञ्जालको प्रयोग गरि उत्तर लेखेर परीक्षार्थी सम्म पुर्‍याउने गिरोहलाई प्रशासनले नियन्त्रणमा लिएर प्रहरीलाई बुझाएको छ । अनलाईन चिट चोराउने कार्यमा विद्यालयका प्रिन्सिपल आफै संलग्न रहेको फेला परेको बाँके प्रशासनले जनाएको छ । सूचना प्रबिधिको माध्यमबाट चिट चोराउने लोटस इंग्लिश मिडियम हाई स्कुलका प्रिन्सिपल तपन शर्मा सहित ५ जनालाई प्रहरीले नियन्त्रणमा लिएको बाँकेका प्रमुख जिल्ला अधिकारी श्रवणकुमार पोखरेलले बताए । उनका अनुसार पक्राउ पर्नेमा सोही बिद्यालयका पार्ट-टाइम शिक्षक अफ्ताव खान र एवन कन्सल्टेन्सिका संचालक ईर्फान अलि मिकरानी सहित दिलिप बिक र संतोष नेपाली रहेका छ्न् ।

पक्राउ परेकाहरुले कन्सल्टेन्सिबाट मोबाइल प्रयोग गरि प्रश्न पत्र आउट गराउने र उत्तर तयार गरि व्हाट्स एप मार्फत बिद्यार्थीलाई पठाउने गर्दै गरेको अवस्थामा पक्राउ गरिएको प्रजिअ पोखरेलले बताए । प्रशासनको टिमले कन्सल्टेन्सिबाट मोबाइल- ५ थान , ल्यापटप- १ थान , गाईड, सोलुसन , केही मोबाइल नम्वर उल्लेख भएको कागज बरामद गरेको छ । लोटसका शिक्षक अफ्ताव लगायतले मोबाइल नम्बर ९८०४५४४१७६ बाट २७ जनाको वाट्सएप ग्रुप बनाएर समुहगतरुपमा उत्तर पठाउने कार्य गरेको पोखरेलले बताए । परिक्षालाइ मर्यादित बनाउन ज्ञानोदय विद्या निकेतन केन्द्रका केन्द्राध्यक्ष सहितको टिमलाई परिवर्तन गरिएको उनले बताए ।

पक्राउ परेकी कन्सल्टेन्सीकी कर्मचारी स्नेहा चौधरीलाई भने सोधपुछ गरि छाडिएको र ५ जना उपर अनुसन्धान भैरहेको प्रशासनले जनाएको छ ।

प्रकाशित मिति : २१ चैत्र २०८०, बुधबार  ५ : ३३ बजे

दाङमा पौडी खेल्ने क्रममा डुबेर मृत्यु

दाङ । दाङमा पौडी खेल्ने क्रममा डुबेर एक व्यक्तिको मृत्यु

आज रातीबाट दोस्रो पटक नेपालगन्ज नाका सिल

नेपालगन्ज । स्थानीय प्रशासनले आज रातीबाट नेपाल भारत सीमाको बाँके

एमाले बाँके नवौं अधिवेशन : अध्यक्षमा तीन जनाको उम्मेदारी, निर्वाचन आइतबार बिहानै

नेपालगन्ज । बाँकेमा जारी नेकपा एमालेको नवौं जिल्ला अधिवेशनमा सर्व

संसदीय छानबिन समिति गठन गर्न दलहरु सहमत

काठमाडौं । सत्तारुढ गठबन्धन र प्रमुख प्रतिपक्षी दल संसद्को गतिरोध

भरतपुरमा सन्तानब्बे वर्षीयाको स्तन क्यान्सरको सफल शल्यक्रिया

चितवन । चितवनमा ९७ वर्षीया वृद्धाको स्तन क्यान्सरको सफल शल्यक्रिया