काठमाडौं । त्रिवि क्रिकेट मैदान कीर्तिपुरमा जारी एकदिवसीय क्रिकेटमा आयरल्याण्ड वोल्भ्सले नेपाल ‘ए’लाई १७५ रनको लक्ष्य दिएको छ । टस हारेर पहिले ब्याटिङ गरेको आयरल्याण्ड वोल्भ्सले ३८ ओभरमा १७४ रन बनाएको हो ।
नेपालले आयरल्यान्ड वोल्भ्सविरुद्ध टस जितेर पहिले फिल्डिङ गर्ने निर्णय गरेको थियो ।
आयरल्याण्ड वोल्भ्सलाई सस्तैमा समेट्न रिजन ढकाल र साहब आलमले ३-३ विकेट लिए भने २ विकेट मौसम ढकालको नाममा रह्यो । कमलसिंह ऐरी १ विकेट लिन सफल भए ।
पहिलो खेलमा नेपाल आयरल्याण्ड वोल्भ्ससँग २१ रनले पराजित भएको थियो । नेपालका लागि आजको खेल जित्नैपर्ने दबाब छ ।
नेपालले आजको खेलमा ब्याटर अर्जुन कुमाललाई प्लेइङ ११ मा स्थान दिएको छैन । उनको स्थानमा नरेन भट्टलाई मौका दिएको छ ।
प्रतिक्रिया