नेपालगन्ज । शान्ति सुरक्षा कमजोर भएको भन्दै चर्को आलोचना खेपिरहेका बाँकेका प्रहरी प्रमुख प्रहरी उपरीक्षक सहित १६ जना प्रहरी उपरीक्षकहरुको सरुवा तथा पदस्थापन गरिएको छ । पछिल्लो समय बिबादमा तानिएका बाँके प्रहरी प्रमुख प्रहरी उपरीक्षक सुबास चन्द्र बोहोरा सहित १६ जना एपीको प्रहरी प्रधान कार्यालयबाट सरुवा गरिएकोे हो ।
प्रहरी प्रधान कार्यालयले बोहोराको स्थानमा नेपाल प्रहरी केन्द्रिय विशेष कार्यदल काठमाडौमा कार्यरत प्रहरी उपरीक्षक तुल बहादुर कार्कीलाई बाँकेमा सरुवा गरेको छ । प्रहरी उपरीक्षक बोहोरालाई मधेस प्रदेश प्रहरी कर्यालयमा सरुवा गरिएको छ ।
बाँकेमा पछिल्ला केही दिनमा लुटपाट, हत्या जस्ता जगन्य अपराधका घटनाहरु लगातार भएपनि प्रहरीले अपराधीलाई कानूनी दायरामा ल्याउन नसकेपछि प्रहरी नेतृत्वको आलोचना हुँदै आएको थियो । एसपी बोहरालाई उनी विरुद्ध आएको समाचार रोक्न सञ्चारकर्मीलाई धम्की दिएको आरोप समेत लागेको थियो ।
प्रतिक्रिया