काठमाडौं । नेपाल-कोरियाको जुगल हिमाल आरोही संयुक्त टिमलाई विदाइ गरिएको छ ।
प्रधानमन्त्री पुष्पकमल दाहाल प्रचण्डले आज आफ्नो निवास बालुवाटारमा आरोहण दल टिमलाई झण्डा हस्तान्तरण गरेर विदाई गरेका हुन् ।
संयुक्त हिमाल आरोहण दलले ६५९१ मिटर अग्लो जुगल हिमालको पहिलो पटक आरोहण गर्न लागेको हो । यस आरोहण दलमा तीन नेपाली र सात जना कोरियाली नागरिक सहभागी छन् । यो आरोहण दल आजै सिन्धुपाल्चोक प्रस्थान गर्दैछ ।
नेपाल र कोरियाबीच दौत्य सम्बन्ध स्थापना भएको ५० वर्ष पूरा भएको अवसरमा गर्न जुगल हिमाल आरोहण गर्न लागिएको हो । जुगल काठमाडौँबाट सबैभन्दा नजिक पर्छ ।
हिमाल आरोहणसँगै ५० जना कोरियाली पदयात्री जुगल हिमाल क्षेत्रको पदयात्रामा सँगै जाँदैछन् ।
प्रतिक्रिया