भैरहवा । सिद्धार्थनगर नगरपालिका वडा न. २ मा निशुल्क स्वास्थ शिविर सम्पन्न भएको छ । जितेन्द्र-मणि स्मृति प्रतिष्ठान, लुम्बिनीले शनिबार निशुल्क स्वास्थ शिविर सम्पन्न गरेको हो ।
युनिभर्सल कलेज अफ मेडिकल साइन्सेसको प्राविधिक सहयोग र वडा न. २ को व्यवस्थापकीय सहयोगमा शिविर सम्पन्न भएको थियो । शिविरमा महिला तथा प्रसुती सेवा, सामान्य चिकित्सक विशेषज्ञ, हाडजोर्नी तथा नसा रोग, नाक, कान तथा विशेषज्ञ, छाला तथा यौन रोगको विशेषज्ञ, रक्त जाच परिक्षण तथा रिपोर्ट सेवा उपलब्ध रहेको थियो ।
कार्यक्रममा बोल्दै सिद्धार्थनगर नगरपालिका प्रमुख इस्तायक अहमद खानले मानिसको स्वास्थय प्रमुख गहना भएकोले समयसमयमा स्वास्थ परिक्षण गर्नुपर्नेमा जोड दिए ।
सहिद जितेन्द्र-मणि स्मृति प्रतिष्ठान, लुम्बिनीका अध्यक्ष तिरबहादुर रोका मगर (डार्विन)ले प्रतिष्ठानले सिद्धार्थनगर नगरपालिकालाई पहिलो प्राथमिकतामा राखी समयसमयमा प्रत्येक वडामा स्वास्थ्य शिविरको आयोजना गरिरहेका र भविस्यमा पनि शिविरलाइ निरन्तरता दिने प्रतिबद्धता गरे ।
शिविरमा युनिभर्सल कलेज अफ मेडिकल साइन्सेसका प्रशासन प्रमुख तेज केसिले सहिद जितेन्द्र-मणि स्मृति प्रतिष्ठानले कोभिडको महामारीको समयमा पनि जनताको स्वास्थयलाई मध्यनजर गरि काम गरेको स्मरण गरे । सिद्धार्थनगर नगरपालिका वडा न. २ का अध्यक्ष छेदिलाल श्रीवास्ताबले सहिद जितेन्द्र-मणि स्मृति प्रतिष्ठानलाइ कृतज्ञता व्यक्त गर्दै शिविरले जनताको स्वास्थ अवस्थामा सकारात्मक प्रभाव पर्ने बताए ।
सिद्धार्थनगर नगरपालिका वडा न. ३ का अध्यक्ष नारायण उपाध्यायले महिलाहरुले लाज नामानी विशेषज्ञहरुलाइ आफ्नो समस्या खुलेको बताउन आग्रह गरे । शिविरबाट करीब ३०० जनाले सेवा लिएका छन ।
प्रतिक्रिया