मुक्तिक्षेत्रको कागबेनी श्राद्धस्थलमा प्रभु बैंकको क्यु आर

मुस्ताङ । नगद रहित भुक्तानी प्रणालीमा विशेष जोड दिईरहेको प्रभु बैँकले कागबेनीमा भक्तजनहरुको सहजीकरण र सुबिधाका लागि“कागबेनी मन्दिर श्राद्घस्थल व्यबस्थापन समिति“लाई क्यु आर स्ट्याण्ड उपलब्ध गराएको छ । आज एक सामारोका बीच बैकले श्राद्धस्थल व्यवस्थापन समितिलाई क्यु आर स्ट्याण्ड हस्तान्तरण गरेको छ ।

हिमालपारिको जिल्ला मुस्ताङ्गको विभिन्न गाउँ पालिकाहरुमा ७ वटा शाखा कार्यालय मार्फत सम्पूर्ण बैँकिङ्ग सेवा उपलब्ध गराई रहेको प्रभु बैँक, मुस्ताङ्ग जिल्लाको वित्तिय पहुँचका लागि सारथी बन्ने आएको छ । मुस्ताङ्ग जिल्लाको समुन्नत आर्थिक विकास तथा समृद्धिका लागि प्रभु बैँकले वित्तिय सेवामात्र नभएर वित्तिय सचेतना तथा समाजिक उत्तरदायित्व निर्वाहमा समेत विशेष ध्यान दिएको प्रभु बैँकको गण्डकी प्रदेश कार्यालयले जनाएको छ ।

बहुचर्चित धार्मिक स्थल कागबेनीमा बडादसैँ र त्यस अघिको सोह्रश्राद्घ, चैतेदसैँ तथा औँसी तिथिमा दिवंगत आफन्तहरुको नाममा पिण्डदान र तर्पणका लागि वर्षेनी नेपाल र भारतबाट हजारौंको संख्यामा भक्तजनहरु पुग्ने गर्दछन् । कागबेनीमा पिण्डदानगर्दा दिवंगतभएकाहरुले मुक्तिपाउने धार्मिक विश्वास रहेको छ ।

प्रभु बैंकका नेपालभर ३०१ शाखा कार्यालयहरु, २८५ एटीएम साथै ७० एक्सटेन्सन काउन्टर मार्पmत करिब ३१ लाखभन्दा बढि ग्राहकहरुलाई ‘बिश्वास लिन्छौं, विश्वास दिन्छौं’ भन्ने मुलनाराका साथमा बैंकिङ एवं वित्तीय सेवा प्रवाह गरिरहेको छ । प्रभु बैंकले अत्याधुनिक प्रविधि मार्फत गुणस्तरीय सेवा प्रवाहगर्दै प्रतिस्पर्धी रुपमा अगाडि बढिरहेको छ ।