विराटनगर । कोशी प्रदेशमा प्रदेश सभाको विशेष अधिवेशन आह्वान भएको छ।
नेकपा एमाले र नेकपा (माओवादी केन्द्र)का सांसदहरूले विशेष अधिवेशन आह्वान माग गर्दै गत सोमबार समावेदन गरेपछि
प्रदेश प्रमुख परशुराम खापुङ्गले अधिवेशन आह्वान गरेका ह्न ।
बुधबार वैशाख ६ गतेका लागि प्रदेश सभा विशेष अधिवेशन आह्वान गरेको प्रदेशप्रमुखको कार्यालयले जारी गरेको विज्ञप्तिमा जनाइएको छ । संविधानको धारा १८३ को उपधारा ३ अनुसार वैशाख ६ गते दिउँसो १ बजेका लागि विशेष अधिवेशन आह्वान गरेको प्रदेश प्रमुखको कार्यालयले जनाएको छ ।
प्रदेशसभाका एक चौथाइभन्दा बढी सदस्यले विशेष अधिवेशन माग गर्दै समावेदन गरे विशेष अधिवेशन आह्वान गर्नुपर्ने संवैधानिक प्रावधान रहेको छ ।
विपक्षी दलहरुले प्रदेशसभाको विशष अधिवेशन बोलाउने तयारी गरेको थाहा पाएपछि मुख्यमन्त्री केदार कार्कीले यही चैत २६ गते प्रदेश प्रमुख समक्ष जेठ ११ गते प्रदेशसभा अधिवेशन बोलाउन सिफारिस गरेका थिए। तर विपक्षी दलहरुको अधिवेशन आह्वानको पत्र सरकारको पत्रभन्दा पहिल्यै प्रदेशकार्यालयमा दर्ता भैसकेको थियो ।
प्रतिक्रिया