१० जेष्ठ २०८१, बिहिबार | May 23, 2024

सीमा नाका शिल भएका बेला बिदा/काज नलिई बाँकेका प्रजिअले एकाएक जिल्ला छाडे



नेपालगन्ज । सरुवा भएर आएकै दिनबाट फेसबुकमा छाएका बाँकेका प्रमुख जिल्ला अधिकारी श्रवणकुमार पोखरेलले जाने बेलामा भने सुटुक्क बाँके छाडेका छन् । झण्डै एक साता देखि बाँके छाडेका प्रमुख जिल्ला अधिकारी पोखरेलले जिल्ला प्रशासन कार्यालयको फेसबुक एकाण्ट भने लगातार चलाएका छन् ।

बिदा र काज स्वीकृत नगराई बाँके छाडेका उनले छाडेको एकसाता पछि गृह मन्त्रालयको जिम्मेवारी छाडेको जिल्ला प्रशासनकै फेसबुकबाट जानकारी दिएका छन् । स्रोतका अनुसार उनले बाँके छाडेर जाँदा उनले न त बिदा स्वीकृत गराएका छन्, न त काज नै लिएका छन् । एकाएक काठमाडौं पुगेका उनले मन्त्रालय पुगेर गृह मन्त्रालयबाट अन्यत्र सारिदिन आग्रह गरेको स्रोतको दाबी छ ।

यता गृह मन्त्रालय छाडेको जानकारी गराउँदै उनले आफ्नो कार्यकालमा गरेको २८ बुँदे सफलताका कथाहरुलाई सहित फेसबुकमा हालेको सामाग्री, पोष्ट गरेको २ घण्टामा हटेको छ । उनले पछि हटाइएको सामाजिक सञ्जालमा स्वेच्किरुपमा गृह मन्त्रालयको जिम्मेवारीबाट अलग हुने निर्णयका साथ प्रक्रिया सुरु गरेको जनाएका थिए । ‘यहाँहरुको सहयोग र सदभावका लागि आभारी छु, कृतज्ञ छु, मैले मेरो कार्यकाललाई यसरी सम्झन्छु, भुल भएको भए क्षमा प्रार्थि छु ।’ जिल्ला प्रशासन बाँकेको आधिकारीक फेसबुकमा उनले लेखेका थिए ।

बाँकेमा सामाजिक सदभाव खलबलिएका बेला बाँके पठाईएका प्रहरी प्रमुख सुवासचन्द्र बोहरा मिडीयाकर्मीसँग द्वन्द्व चर्काएर बाँके छाडेको महिना दिन नबित्दै प्रमुख जिल्ला अधिकारी पोखरेल पनि एकाएक बाँके छाड्नुलाई रहश्यकासाथ हेरिएको छ ।

प्रजिअ पोखरेलले कर्फ्यु र सेना परिचालनको अवस्थामा आएको आफुले शान्ति सुरक्षा बहाल गराएको दाबी गरेका छन् । उनले बिचौलिया रहित सेवा दिएको, एकै दिनमा कार्य सम्पन्नको व्यवस्था गरेको, सहायक प्रजिअलाई पूर्ण अधिकार दिएको, प्रशासनमा आएका मुद्दाको ९४ प्रतिशत फर्श्र्योत भएको, कैदी बन्दीको सुबिधामा सोझै पहुँच प्रदान गरिएको जस्ता दाबी गरेका छन् ।

पोखरेलले ४० हेक्टर बनको अतिक्रमण हटाइएको, सरकारी भवनको अतिक्रमण हटाइएको, बजार अनुगमनलाई तिब्र पारिएको, एसईईमा चिट चोराउने गिरोहलाई कानुनी कारवाही गरिएको, पेशेवर ३८ जना तस्कर बिरुद्ध मुद्दा चलाईएको लगायतको दाबी पनि गरेका छन् ।

आफुलाई खुल्ला किताव भन्न रुचाउने उनले बाँके छाड्नुको कारण भने सञ्जालमा लेखेका छैनन् । बाँके छाड्नुको कारण बारे बुझ्न सामाजिक सञ्जालमा सम्पर्क गर्दा उनले मेसेन्जर कल काटे । गृहमन्त्रालयले निकट भविश्यमा ५१ जना प्रजिअको सरुवा निकाल्ने तयारी गरेको र अनुकुल वातावरण बनाउन पोखेरल काठमाडौं पुगेको उनी निकट स्रोतको दाबी छ ।

प्रकाशित मिति : ३१ बैशाख २०८१, सोमबार  १२ : १४ बजे

१८सय रुपैयाँले घट्यो बिहीबार सुनको भाउ, चाँदीमा कति ?

काठमाडौं। नेपाली बजारमा आज सुनचाँदीको मुल्य घटेको छ । नेपाल

बुद्ध जन्मभूमिलाई विश्वशान्ति र धार्मिक पर्यटकको गन्तव्यमा विकास गर्न सरकार क्रियाशील छ : प्रधानमन्त्री

लुम्बिनी । प्रधानमन्त्री पुष्पकमल दाहाल ‘प्रचण्ड’ले वर्तमान सरकार बुद्धको विचार,

गर्मीले अण्डा उत्पादन घट्दा लागत बढ्यो

चितवन । अण्डाको मूल्य बढेपछि उत्साहित कुखुरापालक किसान गर्मीका कारण

बौद्ध दर्शन मानव समुदायका लागि प्रेरणादायी छ : माधव नेपाल

काठमाडौं । नेपाल कम्युनिष्ट पार्टी  (एकीकृत समाजवादी)का अध्यक्ष माधवकुमार नेपालले

बुद्धको जन्मभूमि नेपाल हुनु नेपालीका लागि गौरवको विषय- राष्ट्रपति पौडेल

काठमाडौं । राष्ट्रपति रामचन्द्र पौडेलले गौतम बुद्धको जन्मभूमि नेपाल हुनु