काठमाडौं । उपप्रधान तथा गृहमन्त्री रवि लामिछानेले कांग्रेसको गनगनले मात्र अब देश नचल्ने चेतावनी दिएका छन् । प्रतिनिधिसभा बैठकमा आज बोल्दै गृहमन्त्री लामिछानेले झुटा मुद्धा र मिडिया ट्रायलले आफु नडराउने बताए ।
लोकतान्त्रिक भन्ने दलले अर्को पार्टीको सांसदलाई बोल्न नदिने निर्णय गरेको भन्दै कांग्रेसले कस्तो लोकतन्त्रको अभ्यास गरिरहेको भन्दै उनले कांग्रेसलाई प्रश्न गरे ।
उनले कांग्रेसलाई आफुलाई गरेको प्रधानमन्त्रीको अफर अझै छ की छैन ? भन्दै कांग्रेस सभापति शेरबहादुर देउवासँग जवाफ मागेका छन् ।
गृहमन्त्री लामिछानेले आफुले कुनै पनि सहकारीबाट ऋण नलिएको पनि स्पष्टिकरण दिए ।
उनले गोर्खा मिडियाले सहकारीबाट ऋण लिने प्रक्रियामा आफु सहभागी नभएको बताए । लामिछानेले आफुले अहिले गोरखा मिडिया छोडिसकेको र कम्पनि छोडीसकेपछि कम्पनीको कुनै दायित्व बेहोर्नुपर्ने भए आफु सो दायित्व बेहोर्न तयार रहेको बताए ।
उनले जीबी राईले गरेका सबै फोहोर आफुले सफा गर्नुपर्छ भन्ने नरहेको संसदमा बताए । पोखराको सुर्यदर्शन सहकारीबाट आफुले ऋण लिएको कुनै कागज नभएको भन्दै सुनियोजित रुपमा आफ्नो नाम प्रयोग गरिएको आरोप लगाए ।
उनले फौजदारी कसूर लाग्ने सहकारी ठगी प्रकरणमा संसदीय समिति छानबिन गर्न नमिल्ने जिकिर गर्दै आफु सो बिषयमा विष पिउन पनि तयार रहेको बताए ।
प्रतिक्रिया