पोखरा । गण्डकी प्रदेशको मुख्यमन्त्रीमा नेपाली कांग्रेसका सुरेन्द्रराज पाण्डे नियुक्त भएका छन् ।
पाण्डेलाई बुधबार प्रदेश प्रमुख डिल्लीराज भट्टले संविधानको धारा १६८ (३) बमोजिम मुख्यमन्त्री नियुक्त गरेका हुन् । पाण्डेलाई नियुक्त गर्न सर्वोच्च अदालतले यही जेठ १४ गते परमादेश जारी गरेको थियो ।
पूर्वमुख्यमन्त्री खगराज अधिकारीले विश्वासको मत प्राप्त गर्दा अपनाएको प्रक्रिया असंवैधानिक भएको जिकिर गर्दै सर्वोच्चका न्यायाधीशद्वय कुमार रेग्मी र सुनिलकुमार पोखरेलको इजलासले ४८ घण्टाभित्र मुख्यमन्त्री नियुक्त गर्न प्रदेश प्रमुखलाई परमादेश दिएका थिए ।
अब पाण्डेले ३० दिनभित्र विश्वासको मत लिनुपर्नेछ । यसअघि माओवादीको समर्थनमा पाण्डे नै मुख्यमन्त्री बनेका थिए ।
प्रतिक्रिया