नेपालगन्ज । बाँकेमा द्न्द्वकालमा धराप बिच्छाउन राखिएको बारुद बिष्फोट भएको छ । बांकेको कोहलपुर नगरपालिकाको झण्डाहवा गाउँ जाने बाटोमा द्वन्द्वकालिन बेलामा सडकमा गाडिएको बारुद बिष्फोट भएको हो ।
नगरपालिकाको झण्डाहवा गाउँ जाने बाटोमा गएराती बिष्फोट भएको प्रहरीले जनाएको छ । कच्ची सडकको छेउमा राती सवा एक बजे भएको बिष्फोटले सडकमा खाल्टो परेपनि मानवीय क्षति नभएको बांके प्रहरी प्रवक्ता डीएसपी नारायण डांगीले बताए । उनले बारुद तत्काल गाडिएको जस्तो नदेखिएको पनि जानकारी दिए ।
प्रहरीले बिष्फोट भएको बारुद द्वन्द्वकालिन अवस्थाको रहेको अनुमान गरेको छ। द्वन्द्वकालमा बिद्रोही माओवादीले गाउँमा सुरक्षाकर्मी प्रवेशलाई रोक्न सडकमा बारुदी धराप बिच्छाउने गर्दथे ।
प्रतिक्रिया