१० बैशाख २०८१, सोमबार | April 22, 2024

रोल्पा बम बिस्फोटबाट मृत्यु भएकाको परिवारबाट आन्दोलनको घोषणा



रोल्पा । गत बैशाख १८ गते रोलपाको त्रिवेणीमा बेवारीसे बम बिस्फोटमा परि मृत्यु भएकाको परिवार आन्दोलित भएकाछन् । बम बिस्फोटबाट मृतकको परिवारले राहत नपाएको र घटनाको निश्पक्ष छानवीन समेत नभएको भन्दै उनीहरुले आन्दोलनको घोषणा गरेका हुन् ।

उनिहरूले आइतबार संघर्ष समिति गठन गर्दै स्थानीय त्रिवेणी गाउँपालिका कार्यालय रोल्पालाई ज्ञापनपत्र समेत बुझाएका छन् । घटनाका घटेको एक महिना सम्म पनि पिडितले न्याय नपाएको ज्ञापनपत्रमा उल्लेख गरिएको छ ।

घटना लगत्तै प्रदेश सरकारका आन्तरिक मामिला तथा कानुनमन्त्रीले दिएको आश्वासन कार्यान्वयन नभएको भन्दै बुझाईएको ज्ञापन पत्रको मुख्यमन्त्री तथा मन्त्रीपरिषदको कार्यालय बुटवल, गृहमन्त्रालय र जिल्ला प्रशासन कार्यालय रोल्पा लाई बोधार्थ दिइएको छ ।

यसअघि त्रिवेणी गाउँपालिका र वडा कार्यालयमा निवेदन दिए पनि पनि बेवास्ता गरिएकोले आन्दोलनमा उत्रिनु परेको उनिहरूले बताए ।

माओवादी सशस्त्र युद्धकालको बम विस्फोटवाट मृत्यु भएका बालबालिकाहरुलाई सामान्य गाडी दुर्घटनामा मृत्यु भएसरी व्यवहार गरिएको त्रिवेणी गाउँपालिका सदस्य गीता नेपालीले बताइन् ।

घटना भए लगत्तै प्रदेश ५ सरकारका आन्तरिक मामिला तथा कानुन मन्त्री कुलप्रसाद केसी स्वयं घटना स्थल पुगेर सत्यतथ्य पत्तालगाउने र पिडीतहरुलाई न्याय सहित क्षतिपुर्ती दिने आश्वासन दिएर फर्केका थिए ।

मृतक चार जनालाई बालसहिद घोषणा गर्नुपर्ने, अन्य सहिदले पाए सरहको सेवा सुविधा तथा अन्य क्षतिपूर्ति दिनुपर्ने, घटना जुनसुकै पक्षबाट भए पनि सत्यतथ्य पत्ता लगाई दोषीलाई कारबाही गर्नुपर्ने र गाउँपालिकाको सार्वजनिक स्थलमा चारै जना बालबालिकाको शालिक सहित सहिद स्मारक बनाउनुपर्ने ज्ञापनपत्रमा उल्लेख गरिएको छ ।

उनीहरुले घोषणा गरेको आन्दोलनको कार्यक्रममा जेठ ३० गते धर्ना जुलुस गर्ने, असार ५ गते तालाबन्दी गर्ने र असार १० गतेदेखि अनसन बस्ने सम्मका कार्यक्रम रहेको संघर्ष समितिका संयोजक कृष्ण नेपालीले बताए ।

घटना बारे छानविन गर्न समिति गठन भएको भनिए पनि अहिले सम्म समितिले स्थलगत अवलोकन समेत गरेको थाहा नपाएको नेपालीले बताए । छानबिनको सुस्तताले आफुहरुले न्याय पाउने कुरामा विश्वास घट्दै गएको उनले बताए ।

गत वैशाख १८ गते बेलुका रोल्पा त्रिवेणी गाउँपालिका ७ गैरीगाउँ गुज्रीखोला ठ्यामरबोटमा बेवारिसे बम बिस्फोट हुदा बाख्रा चराउन गएका १५ वर्षीय नोखिराम डागी, १३ वर्षीय गौरव नेपाली, ११ वर्षीया विमला केसी र ५ वर्षीय विजय केसीको ज्यान गएको थियो ।

प्रकाशित मिति : २६ जेष्ठ २०७७, सोमबार  १२ : ३७ बजे

‘नेपालको पूर्वाधार क्षेत्रमा कतारी लगानीका लागि पहल गर्नुपर्ने’

काठमाडौं । विश्वका अधिकांश देशले खुला श्रम बजार नीति लिएसँगै

कतारका अमिरलाई राष्ट्रपति पौडेलले स्वागत गर्ने

काठमाडौं । कतारका अमिर शेख तामिम विन हमद अल थानीलाई

खडेरीले खेतबारीमै सुक्न थाल्यो बाली

म्याग्दी । वैशाख पहिलो साता बितिसक्दा पनि पानी नपरेका कारण

धार्मिक पर्यटन बढाउन बुटवलबाट मुत्तिनाथ यात्रा, नगर प्रमुख पाण्डेयले गरे बिदाई

बुटवल । चीनको सिमाना कोरोला नाकासँगको धार्मिक पर्यटनको प्रवद्र्धन गर्न

दलहरूबीच सहकार्य गरौँ, जनतालाई राम्रो सेवा दिऔँ : प्रधानमन्त्री

काठमाडौं। प्रधानमन्त्री पुष्पकमल दाहाल प्रचण्डले सबै राजनीतिक दलहरुले सहकार्य गरेर