काठमाडौँ । मानव तस्करीको आरोप लागेका कोशी प्रदेशका पूर्वमन्त्री लिलाबल्लभ अधिकारीलाई दुई दिन थुनामा राखेर अनुसन्धान गर्न अदालतले अनुमति दिएको छ ।
काठमाडौँ जिल्ला अदालतका न्यायाधीश खिमानन्द भुसालको एकल इजलासले अधिकारीलाई लाई दुई दिन हिरासतमा राखेर अनुसन्धान गर्न अनुमति दिएको हो ।
अधिकारीलाई आइतबार बिहान प्रहरीले विराटनगरबाट पक्राउ गरेर काठमाडौँ ल्याएको थियो । काठमाडौँ प्रहरी परिसरको अनुरोधमा मोरङ प्रहरीले उनलाई पक्राउ गरेको थियो ।
निवर्तमान आन्तरिक मामिलामन्त्री अधिकारीले जापानमा मानव तस्करीमा संलग्न भएको आरोप लागेको छ ।
मन्त्रपरिषद्बाट स्वीकृत नगराई जापान गएका अधिकारी र उनीसँगै अन्य ३ जना व्यक्तिहरुलाई जापानको अध्यागमनले विमानस्थलबाटै फिर्ता गरेपछि यो घटना सार्वजनिक भएको थियो । अधिकारी मानव तस्करको योजनाअनुसार जापान गएको आरोप लागेको छ ।
यद्यपी उनले आफुलाई फसाइएको दाबी गरिरहेका छन् ।
प्रतिक्रिया