काठमाडौं । डेडिकेटेड र ट्रंकलाइनको बिद्युत महसुल नतिरेर लाइन काटिएका उद्योगमा भोलि दिउँसो १२ बजेसम्ममा विजुली जोड्न विद्युत प्राधिकरणलाई सरकारले निर्देशन दिएको छ ।
आइतबार बसेको मन्त्रिपरिषद बैठकले सोमबार दिउँसो १२ बजेभित्र उद्योगको विजुली लाइन जोड्न प्राधिकरणलाई निर्देशन दिने निर्णय गरेको बताइएको छ ।
त्यस्तै मन्त्रिपरिषद बैठकले डेडिकेटेड र ट्रंकलाइनको बिद्युत महसुल नतिरेका उद्योगीहरुसँग १५ दिनभित्रको टीओडी मिटर बमोजिम वक्यौता असुल गर्ने निर्णय पनि गरेको बैठकमा सहभागी एक मन्त्रीले बताए ।
सरकारले डेडिकेटेड र ट्रंकलाइन विवादमा गिरिशचन्द्र लाल नेतृत्वको आयोग सार्वजनिक गर्ने निर्णय पनि गरेको छ ।
प्रतिक्रिया