बुटवल । बुटवलको अमरपथस्थित सिंह कम्प्लेक्समा फ्रेड्स सिनेमा सञ्चालनमा आएको छ । तीन जना युवाहरुले रोयल सिने हब प्रालिद्वारा फ्रेडस सिनेमा सञ्चालनमा ल्याएका हुन । शुक्रबारदेखि हल औपचारिक रुपमा सञ्चालन हुने भएको हो ।
३ वर्ष अघि धरानबाट फिल्म उद्योगलाई प्रमोट गर्ने उदेश्यका साथ लागेको प्रदिप धामी, पुष्कर घिमिरे र आशिष तामाङ गरि ३ जना साथीहरु मिलेर रोयल सिने हब प्रालि स्थापना गरेका थिए । धरानमा सिनेमा हल सञ्चालन र फिल्म डिष्ट्रिब्युटर शुरु गरेको यो ग्रुपले बुटवलमा दोस्रो हल संचालनमा ल्याएका हुन ।
रोयल सिने हब प्रालिका सञ्चालक पुष्कर घिमिरेले चेन सिनेमासंगै डिष्टिब्युसन समेत अघि बढाउने बताए । फर्कि फर्कि, कुश्मा र १२ गाउ लगायत फिल्म डिष्टिब्युसन गरेको भन्दै उनले उनको स्विटर, बलिदान, फेरि रेशम फिरिरि लगायत फिल्महरु पाईपलाईनमा रहेको बताए ।
नयाँ ब्यवस्थापनमा हल सञ्चालनका लागि प्रोजेक्ट, एसी, सिट क्षमता बढाउने लगायत उपकरणहरुमा करिब १ करोड रुपैया खर्च भएको उनले बताए । हलको २२२ जनाको सिट क्षमता रहेको छ । यसैगरी एसी र साउण्ड गुणस्तरलाई समेत विशेष ब्यवस्था गरिएको छ । मूभि ठेयटरलाई उपयोगी हुने हलको साउण्ड डल्बी साउण्डको रहेको छ ।
बिहानी शो न्यून र डिवा सो (मंगलबार र बुधबार) न्यून शुल्क राखिने उनले बताए । भ्यु सिनेमा पेज नै अब फ्रेण्डस सिनेमाबाट संचालन हुने उनले बताए ।
टल्लो र माथिल्लो तलामा गरि दुवै स्थानमा बक्स अफिस राखिने उनले बताए । उद्घाटनको पहिलो हप्ता हुदा दर्शकहरुलाई रु १५० को टिकट शुल्क राखिएको उनले बताए । दैनिक पाच देखि ६ शो चलाउने उनले बताए ।
प्रतिक्रिया