काठमाडौं । राष्ट्रिय स्वतन्त्र पार्टी रास्वपाका सभापति रवि लामिछाने थुनामुक्त (रिहा) भएका छन् ।
लामिछाने कास्की जिल्ला अदालतको आदेशमा धटौटी बुझाएर रिहा भएका हुन् । काठमाडौंस्थित पार्टी केन्द्रीय कार्यालयबाट प्रहरी नियन्त्रणमा पुगेका लामिछाने ८४ दिनपछि रिहा भएका हुन् ।
पुनः पक्राउ गर्न गरेको तयारीबाट प्रहरी पछि हटेपछि लामिछाने रिहा भएका हुन् । काठमाडौं जिल्ला अदालतमा भोलि आफै उपस्थित हुने शर्तमा प्रहरीले लामिछानेलाई पुनः पक्राउ नगरेको हो ।
यसअघि आज लामिछानेलाई ६५ लाख धरौटी बुझाएर रिहा गर्न जिल्ला अदालत कास्कीका न्यायाधीश नितज राईले आदेश दिएका थिए । सहकारी ठगी प्रकरणमा अहिले नै कसुरदार रहेछन् भन्ने मनासिब आधार नदेखिएपनि तत्कालको प्रमाणहरूबाट थप प्रमाण बुझ्दै जाँदा ठहरेबमोजिम हुने भएकाले अहिलेलाई लामिछानेलाई धरौटीमा छाड्ने अदालतको आदेशमा उल्लेख छ ।
लामिछानेको परिवारले ६५ लाखको बैंक ग्यारेन्टी बुझाएपछि उनी अदालतबाट रिहा भए ।
प्रतिक्रिया