बुटवल । तिनाउ ईङ्गलिस बोर्डिङ स्कुलमा खेल सप्ताह-२०८१ समापन गरिएको छ । सप्ताहको आज एक कार्यक्रमका बीच पुरस्कार वितरण गरी समापन गरिएको हो ।
पौष २६ गतेदेखि शुरू भएको कार्यक्रममा ४५ वटा विधाका खेलकुदमा करिब ३८० वटा मेडल तथा प्रमाणपत्र वितरण गरिएको थियो ।
विद्यालयकी प्राचार्य सीता पाण्डेले बसन्तपञ्चमीको अवसरमा अक्षरारम्भ कार्यक्रम सहित विभिन्न सांस्कृतिक कार्यक्रम तथा शैक्षिक वर्ष २०८० को एकेडेमिक पुरस्कार वितरण गरिने बताइन ।
सो दिन दिन अक्षरारम्भ गर्ने नानीबाबुहरूको भर्नामा विशेष छुट रहने बताइन । कार्यक्रमका प्रमुख अतिथि विद्यालय व्यवस्थापन समिति अध्यक्ष यज्ञमूर्ति पाण्डेले खेल सप्ताहमा विजेतालाई बधाई तथा प्रतिस्पर्धी तथा सहभागी लगायत प्रत्यक्ष अप्रत्यक्ष रुपमा कार्यक्रमलाई सफल गराउन खटिनु हुने सम्पूर्णलाई धन्यवाद दिए ।
उनले यहि महिनामा हुने रजत महोत्सवको तयारीमा जुटेको र अब विभिन्न किसिमका चरणबद्ध कार्यक्रमहरु गरिने बताए । विद्यालयका अतिरिक्त क्रियाकलाप प्रमुख अग्निधर पोखरेलको सञ्चालनमा चलेको कार्यक्रममा संयोजक नारायण पोखरेल तथा इन्चार्जहरुले पुरस्कार वितरणमा सहयोग गरेका थिए ।
प्रतिक्रिया