काठमाडौं । उपत्यका अपराध अनुसन्धान कार्यालयको टोलीले टोखामा गोली हानेर पक्राउ गरेका गुड्डु पटेल हत्या प्रकरणमा फरार अभियुक्त भएको खुलेको छ । गोली हानी पक्राउ गरेका व्यक्ति दुई वर्षअघि गोठाटारमा मारिएका लाल मोहम्मद प्रकरणका फरार आरोपी रहेको खुलेको हो ।
टोखामा गोली हानी पक्राउ गरिएका गुड्डु पटेल मोहम्मद हत्यामा संलग्न सुटर भएको अपराध अनुसन्धान कार्यालय टेकुका प्रमुख प्रहरी वरिष्ठ उपरीक्षक रमेश बस्नेतले जानकारी दिएका छन् । लाल मोहम्मद हत्या प्रकरणका फरार आरोपी गुड्डु नेपाल आएको सूचना पाएर पक्राउ गर्न गएको प्रहरी टोलीमाथि पटेलले आक्रमण गरेपछि गोली चलाउनु परेको एसएसपी बस्नेतले बताए ।
प्रहरीले सुरूमा दुई राउण्ड हवाई फायर गरेर अत्मसमर्पण गर्न भन्दा पनि पटेल भाग्न खोजेपछि गोली प्रहार गरेर पक्राउ गरिएको प्रहरीको दाबी छ । पक्राउ घाइते पटेललाई उपचारका लागि अस्पताल लगिएको प्रहरीले जनाएको छ ।
सर्लाही घर भइ काठमाडौंमा गार्मेन्ट उद्योग संचालन गरिरकेका मोहम्मद ३ असोज २०७९ मा अज्ञात व्यक्तिको गोली प्रहारबाट मारिएका थिए ।
प्रतिक्रिया