एम्बाप्पेले रातो कार्ड पाएको खेलमा रियलको जित

काठमाडौं । स्टार खेलाडी केलिएन एम्बाप्पेले रातो कार्ड पाएको खेलमा रियल म्याड्रिडले जित हात पारेको छ । स्पेनिस ला लिगाको आइतबार भएको डेपोर्टिभो अल्भाससँगको खेलमा रियलले एन्टेनियो ब्लान्कोलाई हात हालेको कारण एम्बाप्पेलाई पहेँलो कार्ड देखाइए पनि भिडियो रिप्ले हेर्दै रातो कार्ड देखाइएको हो ।

३४ औँ मिनेटमा एडुर्डो कामाभिङ्गाले रियलका लागि गोल गरेका थिए । त्यसको चार मिनेट पछि नै सो घटना भएको हो। रियलले सो खेलमा १-० को जित हात पारेको हो ।

आइतबार भएको अन्य खेलमा एथलेटिक क्लबले रायो भल्कानोलाई ३-१ ले, भिल्लारियलले रियल बेटिसलाई २-१ ले , ओसासुनाले गिरोनालाई २-१ ले हराए ।

ला लिगाको अङ्क तालिकामा बार्सिलोना ७० अङ्कसहित शीर्ष स्थान भने रियल म्याड्रिडको ६६, एट्लेटिको म्याड्रिडको ६० तथा एथलेटिक बिलबाओको ५७ अङ्क छ ।