काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेको बन्दी प्रत्यक्षीकरण रिट आज पनि हेर्दाहेर्दैमा राखिएको छ ।
लामिछानेसहित पूर्वडीआईजी छविलाल जोशीको रिटमाथिको सुनुवाइ नसकिएपछि हेर्दाहेर्दैमा राखिएको हो ।
आज लामिछाने र जोशीका वकिलहरुले बहस सकेपछि सरकारी वकिलले बहस गरेका थिए। तर उनीहरुको बहस सकिएको छैन । भोलि सरकारी वकिलको बहस सकिएपछि पीडितका तर्फका वकिलले बहस गर्नेछन् । त्यसपछि जवाफी बहस सुरु हुनेछ ।
निरन्तर ६ पटकसम्म हेर्न नमिल्नेमा परेको रिट मंगलबाट न्यायाधीशद्वय नहकुल सुवेदी र बालकृष्ण ढकालको हेर्न मिल्ने संयुक्त इजलासमा परेको थियो ।
प्रतिक्रिया