काठमाडौं । त्रिभुवन विश्वविद्यालय (त्रिवि)को उपकुलपति सचिवालयमा तोडफोड गरेको अभियोगमा भक्तपुरबाट एक जना विद्यार्थी नेता पक्राउ परेका छन् ।
जिल्ला प्रहरी परिसर काठमाडौंका अनुसार सानोठिमी क्याम्पसका स्ववियु सचिव दिक्पाल कार्कीलाई मंगलबार पक्राउ गरिएको हो। उनलाई भक्तपुरको धुन्चेपाखा सानोठिमीबाट नियन्त्रणमा लिएको हो ।
गत जेठ १४ गते त्रिवि उपकुलपति सचिवालयमा तोडफोड गरिएको थियो। सो घटनामा नेविसंघ निकटका विद्यार्थीहरूको संलग्नता रहेको थियो। उनीहरूले स्नातक तहको भर्ना प्रक्रिया पुनः खुलाउन माग गर्दै सचिवालयमा तोडफोड गरेका थिए ।
उक्त तोडफोडपछि त्रिवि प्रशासनले दोषीहरूमाथि कानुनी कारबाही गर्न सरकारसँग माग गरेको थियो।
प्रतिक्रिया