हेवाखोलामा भत्किएको बेलिब्रिज तत्काल बनाउन योगेश भट्टराईको माग

काठमाडौं । प्रतिनिधिसभा सांसद योगेश भट्टराईले पाँचथरको हेवाखोलामा भत्किएको पुल तत्काल बनाउन माग गरेका छन् । उक्त स्थानमा निर्माणाधीन पुल भत्किँदा शनिबार तीन जनाको मृत्यु भएको थियो ।

मृत्यु हुनेमा सिमरा उपमनपाका रुपालाल चौधरी, राकेश चौधरी र राजन चौधरी रहेका छन् । उक्त पुल परी थप तीन जना घाइतेको उपचार भइरहेको जनाइको छ ।

योगेशले बेलिब्रिज भाँचिँदा मृत्यु भएका व्यक्तिको परिवारलाई राहत र घाइतेको उपचार गर्न माग गरेका छन् । साथै, पुल नहुँदा सो क्षेत्रमा दैनिक उपभोग्य र निर्माणाधीन सामाग्रीको ढुवानी गर्न र आवागमनमा समस्या भइरहेको भन्दै यसलाई तत्काल आवागमन सुचारु हुने व्यवस्था मिलाउन सरकारसँग माग गरेका छन् । योगेशले यसपटक फेरि मनसुनको सिजन सुरु भएको भन्दै यो बेलामा आउन सक्ने बाढी पहिरोको क्षति न्यूनीकरणका लागि सरकारसँग माग समेत गरेका छन् ।