काठमाडौं । परराष्ट्रमन्त्री आरजु राणाको योजनामा पक्राउ पुर्जी जारी गरिएका पत्रकार दिलभूषण पाठक पक्राउ नपर्ने भएका छन् । पूर्व प्रधानमन्त्री शेरबहादुर देउवा पुत्र जयबीर सिंह देउवाको जाहेरीबा आधारमा पक्राउ पुर्जी जारी गरिएका उनलाई पक्राउ नगर्न उच्च अदालत पाटनले अल्पकालीन अन्तरिम आदेश जारी गरेको छ । न्यायाधीश ऋषि राजभण्डारीको एकल इजलासले पाठकलाई पक्राउ नगर्न भन्दै आदेश जारी गरेको हो ।
पाठक विरुद्ध जाहेरी परेपछि विद्युतीय कारोबार (साइबर अपराध) मुद्दामा प्रकाउ गरी अुनसन्धान गर्न नेपाल प्रहरीको साइबर ब्यूरोले जिल्ला अदालतबाट अनुमति लिएको थियो । पाठकले हिल्टन होटल र नेपाली कांग्रेस सभापति देउवा पुत्र जयवीरसिंहलाई जोडेर भिडिओ रिपोर्ट सार्वजनिक गरेका थिए। ुटफ टकु नामक युट्युब च्यानलमार्फत झन्डै चार साता अघि पाठकले उक्त भिडिओ सार्वजनिक गरेका थिए।
त्यसविरूद्ध उजुरी परेपछि ब्युरोको आग्रहमा जिल्ला अदालत काठमाडौंले पक्राउ पुर्जी जारी गरेको थियो।
आफूलाई गैरकानूनी रुपमा पक्राउ गर्न खोजिएको भन्दै पत्रकार पाठक उच्च अदालत पाटन पुगेका थिए । प्रारम्भिक सुनुवाइपछि नै उच्च अदालतले उनलाई पक्राउ नगर्न अल्पकालीन आदेश दिएको हो ।
प्रतिक्रिया