काठमाडौं । पत्रकार दिलभूषण पाठकविरुद्ध पक्राउ पुर्जी जारी भएको छ । पाठकविरुद्ध विद्युतीय कारोबार ऐन अन्तर्गत (साइबर)को कसुरमा पक्राउ पुर्जी जारी भएको जनाइएको छ ।
पाठकलाई कांग्रसेस सभापति शेरबहादुर देउवा र परराष्ट्रमन्त्री आरजुका छोरा जयवीरसिंह देउवाले हिल्टन होटलको शेयर किनेको विषयमा भएको चर्चाको विषयमा युट्युव भिडियो बनाउँदा साइबर अपराधसँग जोडेर प्रहरीले पक्राउ पुर्जी जारी गरेको जनाइएको छ ।
पाठकविरुद्ध प्रहरीको केन्द्रीय साइबर ब्यूरोमा उजुरी परेपछि पक्राउ पुर्जीका लागि काठमाडौं जिल्ला अदालतसँग अनुमति मागेको स्रोतको भनाइ छ । पाठकले तीन हप्ता अगाडि आफ्नो युट्युब च्यानलमा हिल्टन होटलको शेयर खरिदबिक्रीमा जयवीरसहितका व्यक्ति जोडिएको विषयलाई भिडियोमार्फत प्रस्तुत गरेको थिए ।
त्यस भिडियोमा पाठकले नेपाली कांग्रेसका सभापति शेरबहादुर देउवा र परराष्ट्रमन्त्री आरजु राणा र उनका छोरा छोरा जयवीरले गरेको लगानी र मिडियामा आएका जयवीरसँग सम्बन्धित विषयलाई उठान गरेर भिडियो बनाएका थिए ।
प्रतिक्रिया