बुटवल । वेष्ट्रन मेघा कलेज बुटवलमा ‘रक्तदान जिवनदान, महादान’ भन्ने मुल नारा सहित रक्तदान कार्यक्रम सम्पन्न भएको छ । बुटवल १५ ढवाहामा रहेको उक्त कलेजले मंगलबार रक्तदान कार्यकम सम्पन्न गरेको हो ।
गर्मी मौसममा बढ्ने डेंगु, मलेरिया जस्ता अन्य रोगका कारणले हाल रुपन्देही लगायत देशमरमा उच्च रक्त अभाव भएको अवस्थालाई मध्यनजर गर्दै रगतको परिपूर्ति गर्नका लागि रक्तदान कार्यक्रम गरिएको र कलेजले आफ्नो नैतिक र समाजिक उत्तरदायित्व अनुरुप विद्यार्थीको पठनपाठन सहित समाजिक उत्तरदायित्वका कार्यहरुलाई समानान्तररुपमा लैजाने निति वषलम्बन गरेको कलेजका प्राचार्य अधिवक्ता किसु शर्माले जानकारी दिए ।
उक्त रक्तदान कार्यक्रममा कलेजमा अध्यनरत विद्यार्थी, शिक्षक कर्मचारी लगायत आरम्भग्रुप बफ हस्पिटालिटी लिमिटेडमा कार्यरत कर्मचारीहरुले रक्तदान गरेका थिए ।
उक्त कार्यकममा ६१ युनिट रगत संकलन भएको थियो । कार्यक्रममा अध्यक्ष मेघनाथ पन्थ, शिक्षक तथा कर्मचारी लगायतको सहभागिता रहेको थियो । रक्तदान कार्यक्रम कलेजको शिक्षिका कन्पना न्यौपाने तथा उषा खरेलको संयोजकतामा सम्पन्न भएको थियो ।
प्रतिक्रिया