बुटवल । ३ जना नेपाली बालिकालाई बेचबिखनका लागि भारत लैजाँदै गरेको अवस्थामा रुपन्देही प्रहरीले ४ जनालाई पक्राउ गरि बालिकाहरुको उद्दार गरेको छ । सोमबार अपरान्ह रुपन्देहीको लुम्बिनी साँस्कृतिक नगरपालिकामा पर्ने नेपाल भारत सीमानाका कालिदहबाट बालिकाहरुको उद्दार गर्दै ४ जनालाई प्रहरीले पक्राउ गरेको हो ।
पक्राउ पर्नेमा भारत उत्तर प्रदेश जिल्ला गोरखपुर कैम्पियरगंज कुवर बलुवा बस्ने ३८ वर्षिया कीगीता गौड,
सोही स्थानकी १९ वर्षिया नेहा पाण्डे र २६ वर्षिय प्रमोद कुमार धोबी तथा रुपन्देही गैडहवा गाउँपालिका वडा नं. ६ की १९ वर्षिया निर्मला लोध रहेका छन् ।
शुभ अवसर ग्राम नेपाल र प्रहरी चौकी कालिदह रुपन्देहीबाट खटिएको प्रहरी टोलीले ३ जना बालिकाहरुलाई नेपालबाट भारत तर्फ ललाई फकाई गरी लैजाँदै गरेको अबस्थामा फेला पारी बालिकाहरुलाई उद्दार गर्दै भारत तर्फलैजाने कार्यमा संलग्न रहेका ४ जनालाई पक्राउ गरिएको रुपन्देही प्रहरी प्रवक्ता डीएसपी सुरज कार्कीले बताए । पक्राउ परेकाहरुमाथि मानव बेचबिखन तथा ओसारपसार अभियोगमा अनुसन्धान भइरहेको उनले बताए ।
उनका अनुसार उद्दार गरिएका बालिकाहरुलाई शुभअवसर ग्राम नेपालको संरक्षणमा राखि आफन्तहरुलाई खबर पठाइएको छ । कानुनी प्रक्रिया पूरा गरि बालिकाहरुलाई आफन्तको जिम्मा लगाइने डीएसपी कार्कीले बताए ।
प्रतिक्रिया