बुटवल । ८ वर्ष पहिले ३ जना महिलालाई भारत हुदै कुवेत लगेर बेचबिखन गरेको अभियोग लागेकी बुटवलकी एक महिलालाई आज प्रहरीले पक्राउ गरेको छ ।
पक्राउ पर्नेमा रुपन्देही बुटवल उप(महानगरपालिका वडा नं. ११ न्यु दुर्गानगर की ४६ वर्षिया बिष्णु माया शर्मा परियार रहेकी छन् । २०७४ साल देखी हाल सम्म फरार रहेकी परियारलाई आज इलाका प्रहरी कार्यालय बुटवलबाट प्रहरी टोलीले बुटवल उप(महानगरपालिका वडा नं। ११ बाटै पक्राउ गरेको हो ।
मानव बेचबिखन कसुरमा उनलाई पक्राउ गरिएको प्रहरीले जनाएको छ । ८ वर्ष पहिले ३ महिलालाई भारत हुँदै कुबेत लगेर बेच्न लागेको कसुरमा परियार विरुद्ध मुद्दा परेको थियो । मुद्दा परे लगत्तै फरार रहेकी उनलाई लुकीछिपी बसेको अवस्थामा फेला पारी प्रकाउ गरी आवश्यक अनुसन्धान कार्य भईरहेको प्रहरीले जनाएको छ ।
प्रतिक्रिया