रवि लामिछानेको पक्षमा हस्ताक्षर गर्ने सई प्रहरी हेडक्वार तानिए

काठमाडौं । थुनामा रहेका राष्ट्रिय स्वतन्त्र पार्टी (रास्वपा)का सभापति तथा पूर्वगृहमन्त्री रवि लामिछानेको पक्षमा हस्ताक्षर गर्ने नेपाल प्रहरीका एक जना सई प्रहरी प्रधान कार्यालय तानिएका छन् ।

नेपालगन्जमा कार्यरत ट्राफिक सई कमल खड्का हेडक्वाटर तानिएका हुन् । उनले लामिछानेको पक्षमा हस्ताक्षर गरेका थिए ।

सहकारी ठगी प्रकरणमा पुर्पक्षका लागि थुनामा रहेका लामिछानेमाथि सरकारले पूर्वाग्रह राखेर दुस्ख दिएको भन्दै रास्वपाले हस्ताक्षर अभियान चलाइरहेको छ ।

‘‘संगठनको नीति निर्देशनविपरीत कार्य गरेपछि उनलाई प्रधान कार्यालय बोलाइएको छ । उनीमाथि छानबिन हुँदै छ ।’’, नेपाल प्रहरीका प्रवक्ता विनोद घिमिरेले भने ।