नवलपुर । निरन्तरको वर्षाका कारण पूर्व–पश्चिम राजमार्ग अन्तर्गत दाउन्ने जंगलको खुर्सानी खोलानजिक सडक भासिएपछि यातायात पूर्ण रूपमा अवरुद्ध भएको छ।
जिल्ला प्रहरी कार्यालय नवलपरासी (बर्दघाट सुस्तापूर्व) का अनुसार बर्दघाट नगरपालिका–४ स्थित दाउन्ने सडक खण्ड करिब ४ फिटसम्म भासिएको हो। सडक भासिएपछि दुवै तर्फको सवारी आवागमन अवरुद्ध भएको र यात्रु तथा चालकहरूलाई वैकल्पिक मार्ग प्रयोग गर्न आग्रह गरिएको प्रहरीले जनाएको छ।
घटनास्थलमा अहिले प्रहरी टोली खटिएको छ भने सडक मर्मत तथा सवारी आवागमन सहज बनाउन प्रहरी र स्थानीय तहका प्रतिनिधिहरूको समन्वयमा काम भइरहेको छ।
प्रहरीले उक्त खण्ड प्रयोग नगर्नुहुन आम नागरिक र सवारी चालकहरूलाई आग्रह गर्दै वैकल्पिक मार्ग अपनाउन सतर्कता अपनाउन अनुरोध गरेको छ।
प्रतिक्रिया