काठमाडौं । प्रधानमन्त्री केपी शर्मा ओलीले घुस डिल प्रकरणमा मुछिएका मन्त्रीलाई सहभागी गराउँदै मन्त्रिपरिषदको बैठक संचालन गरेका छन् । प्रधानमन्त्री निवास बालुवाटारमा जारी बैठकमा घुस डिल प्रकरणमा विवादित बनेका संघीय मामिला तथा सामान्य प्रशासन मन्त्री राजकुमार गुप्ता पनि सहभागी छन् ।
उनले घुस डिल गरेको अडियो सार्वजनिक भएपछि बर्खास्त गर्न चौतर्फी माग उठेको भएपनि प्रधानमन्त्री ओलीले गुप्तालाई बैठकमा सहभागी गराएका हुन् । ।
सोमबारको बैठकमा सरकारको दैनिक प्रशासनिक काम कारबाहीबारे छलफल हुनुका साथै आवश्यक निर्णय हुने बताइएको छ । यो मन्त्रिपरिषद्को नियमित बैठक रहेको प्रधानमन्त्रीको सचिवालयले जनाएको छ । सामान्यतः मन्त्रिपरिषद् बैठक हप्ताको दुई दिन सोमबार र बिहीबार बस्ने गर्छ । अहिले मन्त्रिपरिषद्को बैठक जारी छ ।
मन्त्रीलाई बर्खास्त गर्न सत्ता गठबन्धन र बाहिरबाट समेत चौतर्फी आवाज उठेपनि न त प्रधानमन्त्रीले गुप्ता विरुद्ध कुनै एक्सन लिएका छन्, न त विवादीत मन्त्री गुप्ताले राजिनामा दिएका छन् । अहिले मन्त्रिपरिषद्को बैठक जारी छ ।
प्रतिक्रिया