काठमाडौं । प्रधानमन्त्री केपी शर्मा ओली आगामी भदौ ३१ गते भारत भ्रमणमा जाने भएका छन् ।
लामो समयदेखि भारत भ्रमणको प्रतिक्षामा रहेका ओली भारतीय समकक्षी नरेन्द्र मोदीबाट निम्तो पाएपछि त्यहाँ जाने भएका हुन् ।
ओली आगामी भदौ ३१ गते नयाँ दिल्ली जाने र असोज १ गते स्वदेश फर्किने गरी भ्रमण तालिका बन्न लागेको हो । भ्रमणको अन्य आन्तरिक तयारी पुरा भएको बताइएको छ ।
२०८१ साल असार ३० गते प्रधानमन्त्रीमा नियुक्त भएका ओलीको यो कार्यकालको पहिलो भारत भ्रमण हो।
यस भ्रमणका क्रममा दुई देशबीच द्विपक्षीय सम्बन्ध सुदृढ गर्ने उद्देश्यले उच्चस्तरीय राजनीतिक भेटवार्ता तथा सहकार्यका एजेन्डा अघि बढ्ने अपेक्षा गरिएको छ।
प्रतिक्रिया