काठमाडौं। सरकारले नागढुंगा सुरुङमार्ग प्रयोग गर्दा लाग्ने दस्तुर निर्धारण गरेको छ ।
मन्त्रिपरिषद्को गत साउन २६ गते बसेको मन्त्रिपरिषद् बैठकका निर्णयहरू सार्बजनिक गर्दै सरकारका प्रवक्ता एवम् सूचना तथा सञ्चार प्रविधिमन्त्री पृथ्वीसुब्बा गुरुङले सो जानकारी दिएका हुन ।
सिंहदरवारस्थित मन्त्रालयमा आज आयोजित पत्रकार सम्मेलनमामा नागढुंगा सुरुङमार्गको उपभोग दस्तुर तोक्नेसहितका १८ वटा निर्णय सार्वजनिक गरेका हुन् ।
मन्त्री गुरुङका अनुसार कार र भ्यानहरूको काठमाडौं आउँदा ६५ रुपैयाँ र जाँदा ६० रुपैयाँ दस्तुर तोकिएको छ ।
यस्तै मिनी बसरट्रकले काठमाडौं आउँदा ११५ रुपैयाँ र जाँदा ८० रुपैयाँ दस्तुर तिर्नुपर्नेछ । यसैगरी बस तथा ट्रकले काठमाडौं आउँदा २६० र जाँदा २०० रुपैयाँ दस्तुर तिर्नुपर्ने छ ।
यस्तै भारी उपकरणको काठमाडौं आउँदा ६०० र जाँदा २५० दस्तुर तोकिएको छ ।
प्रतिक्रिया