काठमाडौं । प्रधानमन्त्री केपी शर्मा ओलीले वीरगन्जमा हैजा संक्रमण तीव्रगतिमा फैलिएको जानकारी दिएका छन् । शुक्रबार प्रतिनिधिसभा बैठकलाई सम्बोधन गर्दै उनले हालसम्म कुल ६२४ जनामा हैजा पुष्टि भएको बताएका हुन् ।
उनका अनुसार, संक्रमितमध्ये ४३७ जना निको भइसकेका छन् भने १८७ जना हाल पनि उपचाररत छन् । पछिल्ला २४ घण्टामा मात्र ८४ नयाँ संक्रमित थपिएका छन् । यसैबीच, हैजाका कारण ३ जनाको ज्यान गइसकेको उनले जानकारी दिए ।
प्रधानमन्त्री ओलीले हैजा नियन्त्रणका लागि सरकारले सक्रिय पहल थालेको उल्लेख गर्दै भने, “सकेसम्म रोग फैलिन नपाओस्, निवारण गर्न सकियोस् र रोकथाम पूर्णरूपमा गर्न सकियोस् भन्नेतर्फ सरकार गम्भीर बनेको छ ।”
प्रतिक्रिया