काठमाडौँ । वरिष्ठ नेत्र चिकित्सक डा. सन्दुक रुइतले जेन-जी समूहलाई संयमित हुन आग्रह गरेका छन् । मंगलबार सामाजिक सञ्जालमार्फत डा. रुइतले जेन-जी समूहलाई संयमित हुन आग्रह गरेका हुन् ।
उनले परिवर्तनका लागि जेन-जीले अदम्य साहस देखाएको पनि बताएका छन् । सार्वजनिक सम्पत्तिमाथि आगजनी गर्न र नष्ट गर्न नहुने उनको भनाइ छ ।
‘सार्वजनिक सम्पत्तिको संरक्षण गर्नु हरेक नागरिकको पहिलो दायित्व हो । तसर्थ सार्वजनिक सम्पत्तिको नोक्सानी नगरौँ र गर्न नदिउँ । संयम बनौं । सबै मिलेर देश जोगाऔं, सबै जुटेर देश बनाऔं ।’ उनले भनेका छन् ।
प्रतिक्रिया