काठमाडौं । क्रिकेट वेस्ट इन्डिजले नेपालसँग हुने टी-२० अन्तर्राष्ट्रिय सिरिजका लागि १५ सदस्यीय टोली घोषणा गरेको छ । गएराति सार्वजनिक गरिएको टोलीमा क्यारेबियन प्रिमियर लिगमा उत्कृष्ट प्रदर्शन गरेका केही नयाँ खेलाडीलाई मौका दिइएको छ भने केही अनुभवी खेलाडीलाई विश्राम दिइएको छ ।
नेपालसँगको सिरिजमा वेस्ट इन्डिजको कप्तानी स्पिनर अकील होसेनले गर्ने भएका छन् ।
वेस्ट इन्डिजको टोली :
अकिल होसेन (कप्तान), फेबियन एलन, ज्वेल एन्ड्रयु, अकिम अगेस्ट, नविन बिदाइस, जेडियाह ब्लेड्स, केसी कार्टी, करिमा गोरे, जेसन होल्डर, आमिर जाङ्गु, काइल मेयर्स, ओबेड म्याककोय, जिशान मोटारा, रामोन सिमोन्ड्स र शमार स्प्रिङ्गर ।
नेपाल र वेस्ट इन्डिजबीचको यो सिरिज आगामी सेप्टेम्बर २७ देखि २९ सम्म संयुक्त अरब इमिरेट्स (यूएई) मा हुने तय भएको छ । यसअघि नेपाल क्रिकेट संघ (क्यान)ले रोहित पौडेलको कप्तानीमा वेस्ट इन्डिजसँग प्रतिस्पर्धा गर्ने नेपाली टोली घोषणा गरिसकेको छ ।
प्रतिक्रिया