काठमाडौं । भारत एसिया कप क्रिकेटको फाइनलमा प्रवेश गरेको छ । बुधबार राति यूएईको अन्तर्राष्ट्रिय क्रिकेट मैदानमा सम्पन्न सुपर फोरको दोस्रो खेलमा बंगलादेशलाई ४१ रनले हराउँदै भारत फाइनलमा पुगेको हो ।
टस हारेर सुरुमा ब्याटिङको निम्तो पाएको भारतले २० ओभरमा ६ विकेट गुमाउँदै १६८ रन जोड्यो । भारतका लागि ओपनर अभिषेक शर्माले केवल ३७ बलमा पाँच छक्का र ६ चौकाको मद्दतमा शानदार ७५ रन बनाउँदै अर्धशतक पुरा गरे । हार्दिक पाण्डेयले ३८ रन तथा शुभमन गिलले २१ रनको योगदान दिए । बंगलादेशका रिशाद हुसैनले २ विकेट लिँदा ताजिम हसन, मुस्तफिजुर रहमान र मोहम्मद सैफुदिनले एक-एक विकेट लिए ।
१६९ रनको लक्ष्य पछ्याएको बंगलादेश १९.३ ओभरमै अलआउट हुँदै १२७ रनमै समेटियो । साहिद हसनले ५१ बलमा पाँच छक्का र तीन चौकासहित सर्वाधिक ६९ रन बनाए । प्राभेज हुसेनले २१ रन जोडे तर अन्य ब्याट्सम्यानले दोहोरो अंक पार गर्न सकेनन् ।
भारतका सुलदीप यादवले ३ विकेट झारे भने जसप्रित बुमराह र वरुण चक्रवतीले २-२ विकेट लिए । अक्षर पटेल र तिलक वर्माले पनि एक-एक विकेट हात पारे ।
प्रतिक्रिया