काठमाडौं । श्रीलंकामा जारी साफ यू-१७ च्याम्पियनसिपको सेमिफाइनलमा नेपाल आज भारतसँग प्रतिस्पर्धा गर्दैछ । खेल नेपाली समयअनुसार साँझ ७ः३० बजे कोलम्बोस्थित रेसकोर्स रंगशालामा हुनेछ ।
नेपाल समूह ‘ए’ को उपविजेता बनेर सेमिफाइनलमा पुगेको हो । समूह चरणमा नेपालले भुटानलाई २-० ले पराजित गरेको थियो भने बंगलादेशसँग ४-० ले पराजित हुँदै तीन अंकसहित उपविजेता बन्दै अन्तिम चारमा प्रवेश गरेको हो ।
भारत भने समूह ‘बी’ को विजेता बनेर सेमिफाइनलमा पुगेको हो । उसले पाकिस्तानलाई ३-२, भुटानलाई १-० र माल्दिभ्सलाई ६-० ले पराजित गर्दै नौ अंकसहित शीर्ष स्थान हासिल गरेको थियो ।
यसअघि भएको संस्करणमा भारतले नेपाललाई ४-२ ले हराएको थियो । भुटानमा सम्पन्न सो संस्करण भारतले बंगलादेशलाई २-० ले पराजित गर्दै उपाधि जितेको थियो ।
प्रतिक्रिया