धनगढी । धनगढीमा बेपत्ता भएकी बालिका निर्वस्त्र अवस्थामा मृत भेटिएकी छन् । धनगढी उपमहानगरपालिका-३ चटकपुरकी ११ वर्षीया सुमित्रा राना शुक्रबार साँझ मोहना नदीमा ढुबेको अवस्थामा मृत भेटिएको प्रहरीले जनाएको छ । उनी बिहीबार साँझ देखि बेपत्ता भएकी थिइन्
जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) राजकुमार सिंहले रानाको शव नदीमा डुबेको अवस्थामा फेला परेको बताए । उनका अनुसार निर्वस्त्र अवस्थामा भेटिएको शव भन्दा करिब दुई सय मिटरको दूरीमा उनका कपडा भेटिएको छ ।
उनको शव परीक्षणका लागि सेती प्रादेशिक अस्पतालमा राखिएको छ । परिवारले घटनाको अनुसन्धानका लागि जिल्ला प्रहरी कार्यालयमा जाहेरी दिएका छन् ।
प्रतिक्रिया