नेपालगन्ज । नेपाल सहित बिभिन्न देशमा रहेका नेपाली हिन्दु समुदायको बडा दशैको सातौदिन आश्विन शुक्ल सप्तमीका दिनमा घरघरमा शास्त्रीय विधिअनुसार फूलपाती भित्र्याएका छन् ।
घटस्थापनाका दिनदेखि वैदिक विधिपूर्वक दुर्गालाई आह्वान गरी पूजा आजा गरिएको दसैँ घर अथवा पूजा कोठामा शुभ साइतको प्रतीकका रूपमा सप्तमीका दिन उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्र्याउने प्रचलन रहेको छ ।
यसैक्रममा पश्चिम नेपालको महत्वपूर्ण शक्तिपिठको रुपमा रहेको बागेश्वरी मन्दीरमा सोमबार बिहानको शुभसाईतमा फुलपाति भित्र्याईएको छ ।
बाँकेका प्रमुख जिल्ला अधिकारी धर्मराज जोशीको नेतृत्वमा नेपाली सेनाको बज्रदल गण, सशस्त्र प्रहरीको ३० न. बाहिनी, जिल्ला प्रहरी कार्यालय बाँकेलगायतको स्थानबाट विधि पूर्वक ल्याईएको फुलपातिलाई बाजागाजा सहित भित्र्याईएको थियो ।
बागेश्वरी सर्किटलाई प्रतिनिधित्व गर्दै यसवर्षदेखि बाँकेका ८ वटै पालिकामा रहेका शक्तिपिठहरुबाट पनि बागेश्वरी मन्दिरमा फूलपाती भित्र्याइएको छ । खजुराको लक्ष्मीनाराण मन्दिर र मनकामना स्थित दुर्गाकालिका मन्दिर, राप्ती सोनारीको भुँवर भवानी, नरैनापुरको सन्तानेश्वर महादेवबाट बजागाजा र धार्मिक झँकी सहित फूलपाती लिएर बागेश्वरी मन्दिर आइपुगेको थियो ।
फुलपातीको भित्र्याईदै गर्दाको अवसरमा नेपाली सेनाले हर्ष बढाई गरेको थियो । बागेश्वरी मन्दिरमा फुलपातीको बढाई हेर्न सर्वसाधारण भक्तजनहरुको ठुलो संख्यामा उपस्थिती रहेको थियो ।
प्रतिक्रिया