काठमाडौं । देशभर निरन्तर परेको अविरल वर्षाका कारण उत्पन्न प्रतिकूल परिस्थितिलाई मध्यनजर गर्दै सरकारले आइतबार र सोमबार (भोलि र पर्सि) दुई दिनका लागि सार्वजनिक बिदा दिने निर्णय गरेको छ।
गृह मन्त्रालयका अनुसार राजमार्गहरूमा खसेका पहिरो, अवरुद्ध यातायात र मौसम पूर्वानुमान महाशाखाले जारी गरेको अलर्टलाई ध्यानमा राख्दै बिदा दिने निर्णय गरिएको हो।
सप्तमीदेखि सुरु भएको दसैं बिदा सकिएपछि सरकारी कार्यालयहरू भोलिदेखि खुल्ने तयारीमा रहेका थिए।
त्यस्तै, गृह मन्त्रालयमा देशभरका प्रमुख जिल्ला अधिकारी (सीडीओ)हरूसँग सुरक्षा अवस्थाबारे विशेष बैठक सम्पन्न भएको छ। बैठकले उच्च जोखिममा रहेका बस्तीहरूमा सुरक्षाकर्मीहरू परिचालन गर्ने र सम्भावित जोखिम व्यवस्थापनका लागि नेपाली सेनालाई समेत आकस्मिक उद्धार कार्यमा तत्पर अवस्थामा राख्ने निर्णय गरेको मन्त्रालयले जनाएको छ।
प्रतिक्रिया