काठमाडौं । अविरल वर्षाका कारण पहिरो र लेदो खसेपछि बीपी राजमार्गको काभ्रे खण्डमा सवारी आवागमन अवरुद्ध भएको छ ।
काभ्रेपलान्चोकस्थित बीपी राजमार्गका विभिन्न स्थानमा पहिरो र लेदो खसेपछि सडक आवागमन दुईतर्फी रूपमा अवरुद्ध भएको हो ।
जिल्ला प्रहरी कार्यालय काभ्रेपलान्चोकका अनुसार चौकीडाँडा, चार सय बेसी, डालाबेसी, बिरुवा डाँडा, बोक्सीकुना र नार्केललगायतका ठाउँमा लेदो र पहिरो खसेपछि राजमार्ग अवरुद्ध भएको हो ।
प्रहरीका अनुसार सडक सफा गर्न र यातायात पुनः सञ्चालनमा ल्याउन समय लाग्ने भएकाले यात्रुहरूलाई वैकल्पिक मार्ग प्रयोग गर्न अनुरोध गरिएको छ ।
प्रतिक्रिया