कोहलपुर । बाँके प्रहरीले जबरजस्ती करणी आरोपमा एकजनालाई पक्राउ गरेको छ । प्रहरीले ३३ वर्षीया महिलामाथि जबरजस्ती करणी गरेको आरोपमा ३० वर्षीय एकजना युवकलाई पक्राउ गरेको हो ।
पक्राउ पर्नेमा कोहलपुर नगरपालिका(११ बस्दै आएका बैजनाथ गाउँपालिका(१ घर भएका ३० वर्षीय ललित शाही रहेको प्रहरीले जनाएको छ । उनलाई इलाका प्रहरी कार्यालय कोहलपुरको टोलीलिे शनिबार साँझ पक्राउ गरेको जिल्ला प्रहरी कार्यालय बाँकेले जानकारी दिएको छ ।
महिलालाई जबरजस्ती करणी गरेको भन्ने उजुरीको आधारमा शाहीलाई पक्राउ गरिएको प्रहरीले जनाएको छ । पक्राउ परेका शाहीविरुद्ध कोहलपुर प्रहरीले जबरजस्ती करणी कसुरमा थप अनुसन्धान सुरु गरेको जिल्ला प्रहरी कार्यालय बाँकेले जनाएको छ ।
प्रतिक्रिया