बुटवल । बुटवल अटो इञ्जिनियरिङ एशोसिएसन, रुपन्देही लुम्बिनीले अटो भिलेज क्षेत्रमा बृहत् सरसफाइ गरेको छ । अटो भिलेजलाई स्वच्छ, सुरक्षित र व्यवस्थित बनाउने उद्देश्यसहित बिहिवार बृहृत रुपमा सरसफाई गरिएको हो ।
कार्यक्रममा बोल्दै बुटवल उपमहानगरपालिका सरसफाई शाखा प्रमुख लक्ष्मी गैरेले सरसफाइको विषय निकै संवेदनशिल भएको बताईन् । उनले सरसफाईलाई निरन्तरता दिनुपर्ने बताउँदै सरसफाई अभियान मार्फत बुटवललाई सफा राख्न सकिने बताईन् ।
कार्यक्रमका प्रमुख अतिथि समेत रहेकी गैरेले मैनाबगर अटो भिलेज क्षेत्रमा सरसफाई बढि आवश्यक रहेको बताउँदै सरसफाई स्वास्थ्य क्षेत्रसंग पनि जोडिने भएकोले आफ्नो घर तथा व्यवसाय अगाडी सरसफाई गर्न आग्रह गरिन् ।
बुटवल अटो इञ्जिनियरिङ एशोसिएसन, रुपन्देही लुम्बिनीका अध्यक्ष प्रेम गौचन क्षेत्रीले यस क्षेत्रमा काम गर्ने तथा यहाँ बसोबास गर्नेहरुलाई फोहोरका कारणले हुनसक्ने रोगहरुबाट बचाउनको लागि सरसफाई महत्वपूर्ण रहेको बताए । सामूहिक प्रयासबाट मात्र सफाइ र व्यवस्थापनको लक्ष्य हासिल गर्न सकिने भन्दै सबै पक्षलाई साथ दिन आह्वान गरे ।
कार्यक्रम संयोजक दिपक पंगेनीले अटो भिलेज परिसर तथा पार्किङ क्षेत्र तथा बडि कारखाना तथा अन्य क्षेत्रहरुमा बिहान ११ बजेसम्म सरसफाई गरिएको बताए ।
महासचिव पुनित पोखरेलले अटो भिलेजमा बसोबास गर्ने तथा व्यवसाय सञ्चालन गर्दै आएका सबै अटो व्यवसायी, उद्यमी तथा साथीसाथीहरूको अनिवार्य सहभागिता गराईएको बताए ।
प्रतिक्रिया