बुटवल । च्याउ उत्पादक किसान संघ लुम्बिनी प्रदेशको आयोजनामा बुटवलमा निःशुल्क च्याउका परिकार प्रदान गर्ने भएको छ ।
राष्ट्रिय च्याउ दिवस पुस १५ को अवसरमा बुटवल तिनकुने पानी टैंक अगाडीको स्थानमा च्याउका विभिन्न परिकार निःशुल्क रुपमा पस्किने, सर्वसाधारणहरुलाई च्याउका परिकारको स्वाद चखाउने गरी कार्यक्रम आयोजना गरिएको च्याउ उत्पादक किसान संघ केन्द्रीय उपाध्यक्ष तथा लुम्बिनी प्रदेशका ईन्चार्ज कृष्णराज पोखरेलले जानकारी दिए ।
पुस १५ गते मंगलबार दिउँसो १२ बजेदेखि कार्यक्रम सुरुवात गरिने जसमा सहभागीताका लागि सर्वसाधारण र स्वादका पारखीहरुलाई निम्ता गरिएको ईन्चार्ज पोखरेलले जानकारी दिए ।
निःशुल्क रुपमा किसानबाट उत्पादन भएका विभिन्न च्याउका विशेष परिकारहरुको स्वादमा खुवाउने तयारी गरिएको च्याउ उत्पादक किसान संघले जनाएको छ ।
संघका प्रदेश अध्यक्ष राजन पौडेलका अनुसार किसानले स्वत स्फुर्त रुपमा आफुले उत्पादन गरेको च्याउका निःशुल्क परिकार बनाएर स्वाद उत्सवको रुपमा राष्ट्रिय च्याउ दिवस मनाउन लागिएको हो ।
प्रतिक्रिया