बुटवल । लुम्बिनी प्रदेशसभा सदस्य तथा पूर्वमन्त्री धर्मबहादुर चौधरी उज्यालो नेपाल पार्टी (उनेपा) मा प्रवेश गरेका छन् ।
नागरिक उन्मुक्ति पार्टी (नाउपा) बाट बर्दिया-२ (ख) निर्वाचन क्षेत्रबाट प्रत्यक्ष निर्वाचित सांसद चौधरीले नाउपा अध्यक्ष रञ्जीता श्रेष्ठले पार्टीलाई नेपाली कम्युनिष्ट पार्टी (नेकपा) मा समाहित गरेपछि आफू उज्यालो नेपाल पार्टीमा आबद्ध भएको बताएका छन् ।
चौधरीले अब बर्दिया-२ निर्वाचन क्षेत्रबाट प्रतिनिधिसभा सदस्यमा चुनाव लड्ने तयारीसमेत गरिरहेको जानकारी दिएका छन् ।
उनको पार्टी परिवर्तनसँगै लुम्बिनी प्रदेशसभा सदस्य पदको हैसियत के हुने भन्ने विषयमा प्रश्न उठेको छ । हाल नागरिक उन्मुक्ति पार्टीका लुम्बिनी प्रदेशसभामा चार जना सांसद रहेका छन् ।
चौधरीको उज्यालो नेपाल पार्टी प्रवेशलाई प्रदेशको राजनीतिक समीकरणमा महत्वपूर्ण घटनाका रूपमा हेरिएको छ ।
प्रतिक्रिया