काठमाडौं । नेपाली बजारमा सोमबार सुनचाँदीको मूल्यले नयाँ ऐतिहासिक रेकर्ड बनाएको छ। नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला दुई लाख ७४ हजार ७०० रुपैयाँ पुगेको छ, जो अहिलेसम्मकै सबैभन्दा उच्च दर हो।
आइतबार प्रतितोला दुई लाख ७० हजार ६०० रुपैयाँमा कारोबार भएको छापावाल सुनको मूल्य सोमबार एकैदिन तोलामा चार हजार १०० रुपैयाँले वृद्धि भएको हो।
यससँगै चाँदीको मूल्य पनि ऐतिहासिक स्तरमा पुगेको छ। सोमबार चाँदी प्रतितोला पाँच हजार १९५ रुपैयाँ तोकिएको छ। आइतबार चाँदीको मूल्य चार हजार ९९० रुपैयाँ थियो। यसरी चाँदीको मूल्य एकैदिन तोलामा २०५ रुपैयाँले बढेको महासंघले जनाएको छ।
सुनचाँदी दुवैको मूल्यमा देखिएको तीव्र वृद्धि पछिल्ला दिनमा अन्तर्राष्ट्रिय बजारको उतारचढाव र आन्तरिक आर्थिक मनोविज्ञानसँग सम्बन्धित मानिएको छ।
प्रतिक्रिया